சர்வதேச சிறுவர் தினத்தினை சிறப்பிக்குமுகமாக மட்டக்களப்பு செபஸ்டியான் வீதியில் அமைந்துள்ள லிட்டில் பட்ஸ் பாலர் பாடசாலை நடாத்தும் சிறப்பு கண்காட்சியானது எதிர்வரும் ஒக்டோபர் 07,08 ஆம் திகதிகளில் பாலர் பாடசாலையின் இயக்குனர் சி.முகாந்தன் தலைமையில் மட்டக்களப்பு மஹாஜன கல்லூரியின் பிரதான மண்டபத்தில் நடைபெறவுள்ளது.
மண்முனை வடக்கு பிரதேச செயலாளர் வீ.தவராசா பிரதம விருந்தினராக கலந்து சிறப்பிக்கவுள்ள முதல் நாள் அங்குரார்ப்பன நிகழ்வானது காலை 08.30 மணிக்கு ஆரம்பித்துவைக்கப்பட்டு மாலை 05.00 மணிவரை இடம்பெறவுள்ளது. இரண்டாம் நாள் நிகழ்வுகள் காலை 09.00 மணி தொடக்கம் மாலை 05.00 மணிவரை இடம்பெறவுள்ளது.
இக்கண்காட்சியில் மாணவர்களினால் வடிவமைக்கப்பட்ட ஆக்கப்பொருட்கள், ஓவியங்கள், ஆசிரியர்களினால் வடிவமைக்கப்பட்ட ஆக்கப்பொருட்கள், கற்றல் / கற்பித்தல் உபகரணங்கள் மற்றும் பழைய மாணவர்களின் ஆக்கங்கள் என்பன காட்சிப்படுத்தப்படயுள்ளமையும் குறிப்பிடத்தக்கது.
அனைவரும் இக்கண்காட்சியினை கண்டுகழிக்கலாமென அறியத்தருவதுடன், எதிர்வரும் 2015 ஆம் லிட்டில் பட்ஸ் பாலர் பாடசாலையில் புதிதாக இணைந்துகொள்ள அனுமதியினை பெறவிரும்புவோர் கண்காட்சி இடம்பெறும் இரு தினங்களிலும் முற்பதிவு செய்துகொள்ளலாம் என்பதுடன் இத்தினங்களில் பதிவுசெய்வோருக்கு அனுமதி கட்டணத்தில் 50% மாத்திரமே அறவிடப்படும் என்பதனையும் அறியத்தருகின்றனர்.
Post a Comment