(சண்)
மட்டக்களப்பு கல்வி வலயத்திற்குட்பட்ட கல்லடி விநாயகர் வித்தியாலயத்தில் சர்வதேச ஆசிரியர் தின நிகழ்வும் , நூலக திறப்பு விழாவும் வித்தியாலய வளாகத்தில் அதிபர் இ.தியாகலிங்கம் தலைமையில் அண்மையில் வெகுவிமர்சையாக நடைபெற்றது.
மண்முனை வடக்கு கோட்டக்கல்வி அதிகாரி ஏ.சுகுமாரன் பிரதம அதிதியாக கலந்து சிறப்பித்த நிகழ்வில் சிறப்பு விருந்தினர்களாக இளைப்பாறிய அதிபர் திருமதி யு.நடராஜா, இளைப்பாறிய அதிபரும் கல்வி அதிகாரியுமான எஸ்.சிவலிங்கம், இளைப்பாறிய அதிபர் இ.பி.ஆனந்த ராஜா ஆகியோர் கலந்து சிறப்பித்தனர்,
இதன்போது ஜனாதிபதி பிரதீபா பிரபா விருது பெற்ற ஆசிரியருக்கு ஸ்ரீ சித்தி விநாயகர் ஆலய பரிபாலன சபையினரால் மலர் மாலை அணிவித்து வாழ்த்துப்பா வழங்கி கௌரவித்தார்கள்.
இங்கு நீண்ட காலமாக நூலகம் இல்லாத குறையிருந்து வந்ததனைத் தொடர்ந்து பலரது முயற்சியின் பலனால் நூலமமும் அன்றைய தினம் அத்திகளால் நாடா வெட்டி திறந்துவைக்கப்பட்டது.
நிகழ்வினை மேலும் சிறப்பூட்டுமுகமாக மாணவர்களின் கலைநிகழ்வுகள் இடம்பெற்றன.
Post a Comment