(எஸ்.பி.நாதன்)
இந்துக்களின் குரல் தேசிய மாத தீபாவளி சிறப்பிதழ் வெளியீட்டு விழா வியாழக்கிழமை (23) மட்டக்களப்பு இந்து இளைஞர் மன்ற மண்டபத்தில் நடைபெற்றது.
இந்து மதத்தின் பெருமைகள் மற்றும் தத்துவத் தகவல்களஅடங்கிய நான்காவது இதழ் தீபாவளியை முன்னிட்டு இந்துதத்துவத்வெளியீட்டு நிறுவனத்தினால் வெளியிடப்பட்டுள்ளது.
இந்து ஆலயங்கள் ஒன்றிய பிரச்சாரச் செயலாளர் கே. தியாகராஜா தலைமையில் நடைபெற்ற இந்நிகழ்வில் மட்டக்களப்பு இராமகிருஷ்ணமிசன் தலைவர் சுவாமி சதுர்புஜானந்தா ஜீ மகராஜ் ஆன்மீக அதிதியாகக் கலந்து கொண்டு சிறப்பிதழை வெளியிட்டு வைத்தார்.
முதல் பிரதியை மட்டக்களப்பு வர்த்தக கைத்தொழில் சம்மேளன தலைவர் தேசகீர்த்தி எம். செல்வராஜா பெற்றுக்கொண்டார்.
மட்டக்களப்பு மேலதிக அரசாங்க அதிபர் எஸ். கிரிதரன் பிரதம அதிதியாகவும்;, மட்டக்களப்பு மாநகர ஆணையாளர் எம். உதயகுமார் சிறப்பு அதிதிகளாக உள்நாட்டு இறைவரித் திணைக்கள ஆணையாளர் எம். கணேசராஜா, உள்ளுராட்சி உதவி ஆணையாளர் கே. சித்திரவேல் மற்றும் கௌரவ அதிதியாக வைத்தியக் கலாநிதி எம்.அகிலன் ஆகியோர் கலந்து கொண்டனர்.
சிரேஷ்ட ஊடகவியலாளரும் இலங்கை தமிழர் ஆசிரியர் சங்கத் தலைவருமான வி;;. ரி; சகாதேவராஜா நூல் அறிமுகவுரையையும் மற்றும் மட்டக்களப்பு கண்ணகி கலை இலக்கிய கூடத் தலைவர் செங்கதிரோன் ரி. கோபாலகிருஷ்ணண் நால் நயவுரையையும் நிகழ்த்தினர்.
Post a Comment