ஆலையடிவேம்பு பிரதேச அரசுசாரா அமைப்புக்களின் இணையத்தின் அனுசரணையோடு இடம்பெற்ற இந்நிகழ்வுக்கு அம்பாறை மாவட்ட செயலக அரசசார்பற்ற அமைப்புக்களின் ஒருங்கிணைப்பு உத்தியோகத்தர் எம்.ஐ.எம்.இர்பான் பிரதம அதிதியாகக் கலந்துகொண்டதுடன், ஆலையடிவேம்பு பிரதேச செயலக அபிவிருத்தி இணைப்பு உத்தியோகத்தர் எஸ்.எல்.எம்.அன்வர், கிராம சேவகர்களுக்கான நிருவாக உத்தியோகத்தர் ஏ.தர்மதாச ஆகியோருடன் கிராமமட்டங்களில் சேவையாற்றும் கிராம உத்தியோகத்தர்கள், பொருளாதார அபிவிருத்தி உத்தியோகத்தர்கள் உட்பட ஆலையடிவேம்பு பிரதேசத்தில் தொழிற்படுகின்ற அரச சார்பற்ற மற்றும் பொது அமைப்புக்களின் பிரதிநிதிகள் ஆகியோரும் கலந்துகொண்டனர்.
இக்கூட்டத்தில் 2014 ஆம் ஆண்டின் முதல் அரையாண்டுப் பகுதியில் இப்பிரதேசத்தில் தொழிற்படும் அரசசார்பற்ற அமைப்புக்களால் மேற்கொள்ளப்பட்ட அபிவிருத்தி வேலைத்திட்டங்கள் தொடர்பாக அந்நிறுவனங்களின் பிரதிநிதிகளால் விரிவாக விளக்கமளிக்கப்பட்டதுடன், தொடர்ந்து அடுத்த 3 மாதங்களுக்காகத் திட்டமிடப்பட்டுள்ள விடயங்கள் தொடர்பில் தகவல்கள் பரிமாறிக்கொள்ளப்பட்டன. அவற்றுடன் இணைந்தவகையில் ஆலையடிவேம்பு பிரதேச மக்களின் வாழ்வாதார முன்னேற்றத்திற்கான உதவிகள் மற்றும் அபிவிருத்தி வேலைத்திட்டங்களில் பிரதேச செயலகத்துடனும் மாவட்ட செயலகத்தின் வழிகாட்டல்களோடும் இணைந்து பணியாற்றுதல் தொடர்பில் பிரதேச செயலாளரும், மாவட்ட செயலக அரசசார்பற்ற அமைப்புக்களின் ஒருங்கிணைப்பு உத்தியோகத்தரும் பங்குபற்றுனர்களுடன் தமது கருத்துக்களைப் பரிமாறிக்கொண்டனர்.
Post a Comment