(எஸ்.பி.நாதன்)
மட்டக்களப்பு பிரதம தபால் நிலையத்திற்கு சொந்தமான அதிவேக தபால் சேவையில் ஈடுபட்டுவரும் வான் நேற்றிரவு (27) தீப்பிடித்து எரிந்துள்ளதாக மட்டக்களப்பு பொலிசார் தெரிவித்தனர்.
கதிரவெளி முதல் பாணமை வரை அதிவேக தபால் சேவையில் ஈடுபட்டுவரும் வாகனமே இவ்வாறு எரிந்துள்ளதாக பொலிசார் மேலும் தெரிவித்தார்.
இதுபற்றி மட்டக்களப்பு தபால் நிலைய கடமைநேர தபால் அதிபர் வி. தயாபரனிடம் கேட்டபோது நேற்று (27) வழமைபோல் சேவையில் ஈடுபட்டதன் பின்னர் நிறுத்தி வைக்கப்ட்டிருந்த போது நேற்று இரவு 8.30 மணியளவில் குறித்த வாகனத்தின் மின்கலம் தீப்பற்றியதால் தீ பரவி வான் எரிந்து கொண்டிருந்த நிலையில் தீயை அணைத்தாகத் தெரிவித்தார்.
மட்டக்களப்புப் பொலிசார் மேலதிக விசாரணைகளில் ஈடுபட்டுள்ளனர்.
Post a Comment