(சனா)
இந்துக்களின் பண்டிகைகளில் சிறப்புமிக்கதாக கொண்டாப்படும் தீபாவளி பண்டிகையினை முன்னிட்டு கல்லடி கடல்மீன்கள் விளையாட்டுக்கழகம் தமது கழக்கத்தின் வீரர்களுக்கிடையில் நடாத்திய உதைப்பந்தாட்ட சுற்றுப்போட்டியானது நேற்றைய தினம் (22) கடல்மீன்கள், விபுலானந்தா விளையாட்டு மைதானத்தில் அதன் தலைவர் கதிர்காமத்தம்பி ரமேஸ் தலைமையில் இடம்பெற்றது.
எழு பேர் கொண்ட லீக் முறையில் நடைபெற்ற இச் சுற்றுப்போட்டியில் R.KS அணியினரும் ஆரம்பம் அணியினரும் இறுதி போட்டிக்கு தெரிவாகி , இரு அணியினருக்கும் இடையில் பலத்த போட்டி இடம்பெற்று முதலிடத்தினை RKS அணியினர் தம்வசப்படுத்தியதுடன், இரண்டாம் இடத்தினை ஆரம்பம் அணியினரும் , மூன்றாம் இடத்தினை நோ நேம் அணியினரும் பெற்றுக்கொண்டனர்.
இதன்போது அதிதிகளாக கலந்துகொண்ட முன்னாள் சிரேஸ்ட உதைப்பந்தாட்ட விளையாட்டு வீரர்களினால் வெற்றிபெற்ற அணியினருக்கும், விளையாட்டு வீரர்களுக்கும் பரிசில்கள் வழங்கிவைக்கப்பட்டது.
Post a Comment