(த.லோகதக்சன்)
2014ம் ஆண்டுக்கான ஐந்தாம் தர புலமைப் பரீட்சைகள் முடிவில் பட்டிருப்பு கல்வி வலயத்திற்குட்பட்ட கல்முந்தல் திருவள்ளுவர் வித்தியாலயத்தில் சித்தி பெற்ற மாணவனை மட்டக்களப்பு மாவட்ட தமிழ் தேசிய கூட்டமைப்பின் பாராளுமன்ற உறுப்பினர் சீனித்தம்பி யோகேஸ்வரன் நேற்றைய தினம் (16) வியாழக்கிழமை பாடசாலைக்கு சென்று பாராட்டினார்.
கல்முந்தல் திருவள்ளுவர் வித்தியாலயத்தில் சித்தி பெற்ற சுவர்ணராஜா அபிஷேக் 192 புள்ளிகளைப் பெற்று பட்டிருப்பு கல்வி வலயத்தில் முதலாம் இடத்தினையும்> மட்டக்களப்பு மாவட்டத்தில் இரண்டாம் இடத்தினையும் பெற்று பாடசாலைக்கும்> தமிழ் சமூகத்துக்கும் பெருமை சேர்த்துள்ளார்.
சித்தியடைந்த மாணவனுக்கு மட்டக்களப்பு மாவட்ட தமிழ் தேசிய கூட்டமைப்பின் பாராளுமன்ற உறுப்பினர் சீனித்தம்பி யோகேஸ்வரன் பொன்னாடை போர்த்தி பாராட்டி கௌரவித்ததுடன்> துவிச்சக்கர வண்டி ஒன்றையும் வழங்கி வைத்தார்.
அத்தோடு கற்பித்த ஆசிரியர்களான திருமதி.மேகலா நேசரத்தினம்> திருமதி.நவரஞ்சிதம் ஞானேந்திரன்பிள்ளை ஆகியோருக்கும் பொன்னாடை போர்த்தி கௌரவித்தார். மேலும் சித்தி பெற்ற மாணவனின் பெற்றோர்களையும் பாராட்டினார். இதன்போது பாடசாலை அதிபர் க.செல்வராஜா> ஆசிரியர்கள் மற்றும் மாணவர்கள் கலந்து கொண்டனர்.
Post a Comment