மட்டக்களப்பு மாவட்டத்தில்; நிலவிய சீரற்ற காலநிலை காரணமாக மூடப்பட்டிருந்த கிழக்கு பல்கலைக்கழகம் எதிர்வரும் 12ஆம் திகதி திங்கட்கிழமை ஆரம்பமாகவுள்ளதாக பதிவாளர் கே.மகேசன் அறிவித்துள்ளார். அனைத்துப்பீட மாணவர்களுக்குமான கல்வி நடவடிக்கைகளும் மீள ஆரம்பமாகவுள்ளதாகவும் இதனால், சகல மாணவர்களும்; 12ஆம் திகதி பல்கலைக்கழகத்துக்கு சமூகமளிக்கவேண்டும் எனவும் அவர் கேட்டுக்கொண்டுள்ளார். அவரது அறிவித்தலில் தெரிவிக்கப்பட்டுள்ளதாவது, 'அனைத்துப்பீடங்களையும் சார்ந்த சகல மாணவர்களுக்குமாக தற்காலிகமாக ஒத்திவைக்கப்பட்ட கல்வி நடவடிக்கைகள் யாவும் எதிர்வரும் 12.01.2015 (திங்கட்கிழமை) முதல் மீள ஆரம்பமாகும். விடுதி வசதி வழங்கப்பட்டுள்ள அனைத்து மாணவர்களும் தத்தமது விடுதிகளுக்கு எதிர்வரும் 11.01.2015 (ஞாயிற்றுக்கிழமை) காலை 8 மணி முதல் வருகை தரமுடியும். மேலதிக விபரங்களுக்கு உதவிப் பதிவாளர் (மாணவர் நலன்புரி) தொலைபேசி இலக்கம்: 065-2240731 மூலம் தொடர்புகொள்ளுமாறு கேட்டுக்கொள்ளப்படுகின்றனர்' எனத் தெரிவிக்கப்பட்டுள்ளது.
Post a Comment