இன்று நாடு பூராகவும் உழவர் திருநாளை கொண்டாடுமுகமாக பல்வேறுபட்ட வகையில் சூரிய பகவானுக்கு நன்றி தெரிவிக்கும் வண்ணம் வழிபாட்டு நிகழ்வுகள் நடைபெற்றன.
அதற்கமைவாக மட்டக்களப்பு அமிர்தகழி ஸ்ரீ மாமாங்க பிள்ளையார் ஆலயத்தில் நடைபெற்ற தைப்பொங்கல் விசேட பூசை நிகழ்வுகளில் மட்டக்களப்பு 231 இராணுவ படை அணி தலைமையகத்தின் கட்டளைத் தளபதி பாலித பெனாந்து மற்றும் மட்டக்களப்பு , அம்பாறை மாவட்டங்களுக்கு பொறுப்பான பிரதிப் பொலிஸ்மா அதிபர் இந்து கருணாரட்ன ஆகியோர் கலந்து பூசை வழிபாடுகளில் ஈடுபட்டனர்.
அத்துடன் ஆலய பிரதம குரு வரதராஜ சிவாச்சாரியார் தலைமையில் நடைபெற்ற பூஜை நிகழ்வுகளில் பெருந்திரளான மக்களும் கலந்துகொண்டனர்.
மேலும் மட்டக்களப்பு புனித மரியாள் பேராலயத்திலும் பொங்கல் வழிபாட்டு கூட்டு திருப்பலி அருட்தந்தை அருளானந்தம் தலைமையில் ஒப்புக்கொடுக்கப்பட்டது.
மட்டக்களப்பில் ஸ்ரீ ராமகிருஷ்ண மிஷன் தலைவர் சுவாமி சதுர்புஜானந்த மகாராஜ் தலைமையில் பொங்கல்விழா நடைபெற்றதுடன் , மட்டக்களப்பின் நகர் பகுதிகளில் வியாபார ஸ்தலங்கள் மற்றும் வங்கிகளிலும் பொங்கல் பொங்கி சூரிய பகவானுக்கு படைத்தமையும் எமது கமராக்களில் பதிவாகின.
Post a Comment