செங்கலடியில் முனைப்பு பாலர் பாடசாலை ஆரம்பித்து வைக்கப்பட்டது!

மட்டக்களப்பு செங்கலடி பிரதேசத்தில் முனைப்பு நிறுவனத்தினால் பாலர் பாடசாலை ஆரம்பித்து வைக்கப்பட்டது.

செங்கலடி பாடசாலை கட்டிடத்தில் நேற்றைய தினம் முனைப்பின் இலங்கைக் கிளையின் தலைவர் கு.அருணாச்சலம் தலைமையில் நடைபெற்ற நிகழ்வில் சுவிஸ்நாட்டில் இருந்து வருகைதந்திருந்த முனைப்பின் பொருளாளரும், திட்டமிடல் பணிப்பாளருமான தி.பாலேந்திரா அவர்களினால் முனைப்பு பாலர் பாடசாலை ஆரம்பித்துவைக்கப்பட்டது.

மேற்படி முனைப்பு பாலர் பாடசாலை எதிர்வரும் வருடங்களில் செங்கலடி மத்திய கல்லூரிக்கான முன்மாதிரி பாலர் பாடசாலையாக செயற்பட இருப்பதுடன் குறித்த பாலர் பாடசாலை நிர்வாகத்தினை செங்கலடி மத்திய கல்லூரியின் அதிபர் தலைமையிலான நிர்வாக உத்தியேயாகத்தர்களே கண்காணிப்பார்கள் என்றும் பிரதேசத்தில் உள்ள ஏனைய சிறிய பாலர் பாடசாலைகளையும் ஒருங்கிணைத்து செயற்படுவதற்கு என்னியுள்ளதாகவும் பாடசாலை அதிபர் கூறினார்.

செங்கலடி கிராம அபிவிருத்திச் சங்கம் ஒழுங்கு செய்திருந்த இன் நிகழ்வில் ஏறாவூர் பற்று உதவி பிரதேச செயலாளர் திருமதி முகுந்தன் அவர்களும், சுவிஸ் முனைப்பின் பொருளாளரும், திட்டமிடல் பணிப்பாளருமான தி.பாலேந்திரா அவர்களும், இலங்கை முனைப்பின் தலைவர் கு.அருணாச்சலம், செயலாளர் செ.நிலாந்தன், உப செயலாளர் திருமதி .ம.பாலகிருஸ்ணராஜா, பிரதேச செயலகத்தின் முன்பள்ளி உத்தியோகத்தர் சர்ஜின் மற்றும் கிராம அபிவிருத்திச் சங்க தலைவர் கணேசன் மற்றம் பெற்றோர்கள், குழந்தைகள் எனப்பலரும் கலந்துகொண்டு சிறப்பித்தனர்.