வி கிரியேஷன்ஸ் (இலங்கை) இன் தயாரிப்பில் உருவான இரண்டு குறும்படங்கள் டிசம்பர் 21ஆம் திகதி மட்டக்களப்பு YMCA மண்டபத்தில் பிற்பகல் 4.30 மணிக்கு காட்சிப்படுத்தப்பட இருக்கின்றன.
குறும்பட இயக்குனர் கானா வரோவின் இயக்கத்தில் உருவான ‘இலவு’ மற்றும் குறும்பட இயக்குனர் ஹன்ஸ்டனின் இயக்கத்தில் உருவான ‘சர்ப்பங்கள் தீண்டும் பிழைத்து வாழு’ ஆகிய குறும்படங்களே அன்றைய தினம் திரையிடப்பட இருக்கின்றன.
இரண்டு குறும்படங்களையும் ஒரே ரிக்கெட்டில் பார்வையிடலாம் என்பதுடன் ரிக்கெட் ஒன்றின் விலை 100 ரூபா எனவும் நிகழ்ச்சி ஏற்பாட்டாளர்கள் அறிவித்துள்ளனர்.
இரண்டு குறும்டங்களின் இறுவெட்டுக்களையும் விரும்பியவர்கள் பெற்றுக் கொள்ளலாம் என்று படக்குழுவினர் குறிப்பிட்டுள்ளார்.
யாழ்ப்பாணத்தில் தயாரிக்கப்பட்ட ‘இலவு’ குறும்படம் ஏற்கனவே யாழ்ப்பாணம், கொழும்பு, ஹட்டன் ஆகிய இடங்களில் திரையிடப்பட்டதுடன், பிரான்ஸிலும் காட்சிப்படுத்தப்பட்டது.
மட்டக்களப்பில் தயாரிக்கப்பட்ட ‘சர்ப்பங்கள் தீண்டும் பிழைத்து வாழு’ குறும்படம் ஏற்கனவே, கடந்த 07ஆம் திகதி மட்டக்களப்பில் திரையிடப்பட்டுள்ளதுடன், எதிர்வரும் வாரங்களில் கொழும்பு மற்றும் யாழ்ப்பாணத்திலும் திரையிடுவதற்கான ஏற்பாடுகள் இடம்பெறுகின்றன.
Post a Comment