கல்லடி - டச்பார் புனித இஞ்ஞாசியார் ஆலயத்தில் இடம்பெற்ற இரத்ததான நிகழ்வு

(மன்மதன்)

மட்டக்களப்பு கல்லடி - டச்பார் புனித இஞ்ஞாசியார் ஆலயதில் ''ஒரு துளி இரத்ததானம் செய்து ஒரு உயிரைக் காப்பாற்ற ஒன்றினைவோம்'' எனும் தொனிப்பொருளில் இரத்ததான நிகழ்வொன்று ஆலய பங்குத்தந்தை அருட்தந்தை லோரன்ஸ் லோகநாதன் அடிகளார் தலைமையில் நடைபெற்றது.

மட்டக்களப்பு பாடுமீன் லயன்ஸ் கழகத்தின் அனுசரணையுடன் ஆலய வளாகத்தில் இன்று (16) ஞாயிற்றுக்கிழமை  இடம்பெற்ற இந்நிகழ்வானது கார்டோநியோ இனிக்கோ கிறிஸ்தவ வாழ்வு சமூகத்தின் ஏற்பாட்டில் இடம்பெற்றது.

இங்கு மட்டக்களப்பு போதனா வைத்தியசாலையின் இரத்த வங்கி சேவைப்பிரிவிலிருந்து வைத்தியர் யசிந்து பர்னான்டோ  உள்ளிட்ட குழுவினர் கலந்து கொண்டு இரத்தம் பெறுவதற்கான வைத்திய பரிசோதனைகளையும் நடவடிக்கைகளையும் மேற்கொண்டனர்.

இன்றைய நாளில் 50 இற்கும் மேற்பட்டவர்கள் கலந்து கொண்டு இரத்ததானம் வழங்கியமை குறிப்பிடத்தக்கதாகும்.