தேசத்துக்கு நிழல் திட்டத்தின்; கீழ், இலங்கை வங்கியின் மட்டக்களப்பு மேற்தரக் கிளையால் 500 மரக்கன்றுகள் வழங்கும் நிகழ்வு

தேசத்துக்கு நிழல் திட்டத்தின் கீழ், இலங்கை வங்கியின் மட்டக்களப்பு மேற்தரக் கிளையால் 500 மரக்கன்றுகள் வழங்கும் நிகழ்வு இன்று வியாழக்கிழமை (20) இடம்பெற்றது.

மேற்தரக்கிளையின் முகாமையாளர் எம்.ஐ.நௌபல் தலைமையில் இடம்பெற்ற இந்நிகழ்வில் வாடிக்கையாளர்களுக்கு தென்னை, மா, தோடை, எலுமிச்சை மற்றும் சவுக்குமரக்கன்றுகள் வழங்கப்பட்டன.

அத்தோடு, வீச்சுக்கலமுனை புனித அன்னம்மாள் வித்தியாலயம் மற்றும் புதூர் விக்னேஸ்வரா வித்தியாலயங்களில் மரங்கள் நடப்பட்டன.

குறித்த கிளையின் உதவி முகாமையாளர் கே.சாமித்தம்பி, மட்டக்களப்பு மாநகரசபையின் உதவி ஆணையாளர் என்.தனஞ்செயன், மட்டக்களப்பு வலய பிரதிக் கல்விப் பணிப்பாளர் எஸ்.சசீந்திரசிவகுமார் மற்றும் பாசாலை அதிபர்கள் கலந்துகொண்டனர்.