சந்திவெளி பாலையடித்தோணாவில் வீடு திறந்துவைப்பு

(பொன்முடி)

ஸ்ரீ லங்கா யுத் தொண்டர் அடிப்படையிலான கிரான் பிரதேச இளைஞர் கழக சம்மேளனத்தினால் அமைக்கப்பட்ட வீட்டினை பயனாளியிடம் கையளிக்கும் நிகழ்வு  சந்திவெளி பாலையடித்தோணாவில்  2014.11.21 வெள்ளிக்கிழமை பிரதேச சம்மேளன தலைவர் கோ.தினேந்திரன் தலைமையில் இடம்பெற்றது. 

அமைக்கப்பட்ட வீட்டினை பயனாளியிடம் கையளிக்கும் நிகழ்வில் பிரதம அதிதியாக தேசிய இளைஞர் சேவைகள் மன்ற மாகாண பணிப்பாளர் திரு.க.தவராஜா அவர்களும், மாவட்ட இளைஞர் சேவை உத்தியோகத்தர் ஜே.கலாராணி அவர்களும், கிரான் பிரதேச இளைஞர் சேவை உத்தியோகத்தர் த.விந்தியன் பாலையடித்தோணா பொருளாதார அபிவிருத்தி உத்தியோகத்தர் ந.ரதன் மற்றும் இளைஞர் பாராளுமன்ற உறுப்பினர் வை.குலேந்திரகுமார் மற்றும் இளைஞர் கழக உறுப்பினர்கள் என பலர் இந்நிகழ்வில் கலந்து சிறப்பித்தனர்.

பாலையடித்தோணாவிலுள்ள வறுமை நிலையில் தங்களின் வாழ்க்கையை நடாத்தும் சந்திரசேகரம் சியாமளா என்பவருக்கு வீடு கையளிக்கப்பட்டது.