(நாதன் & கண்ணன்)
கிழக்கு மாகாணத்தில் அதிலும் குறிப்பாக மட்டக்களப்பில் முதல் தடவையாக இடம்பெற்ற குறுந்திரைப்படம் மற்றும் கானொளி பாடல்களுக்கான சிறந்த தெரிவுக்கு விருதுவழங்கும் விழா அண்மையில் செங்கலடி வேல்ஸ் சினிமா பட்டறையின் ஏற்பாட்டில் அதன் ஸ்தாபக தலைவர் ரீ.கிருஷ்ணா தலைமையில் அரசடி தேவநாயகம் மண்டபத்தில் இடம்பெற்றது.
முன்னாள் கிழக்கு மாகாண முதலமைச்சரும், ஜனாதிபதி ஆலோசகரும் , மாகாண சபை உறுப்பினருமான சிவநேசதுரை சந்திரகாந்தன் பிரதம அதிதியாக கலந்துகொண்ட இந்நிகழ்வில் இந்திய கலைஞர்களும் அதிதிகளாக கலந்து சிறப்பித்திருந்தனர்.
இதன்போது சிறந்த கானொளி பாடலுக்கான விருது, சிறந்த வீடியோ பிடிப்பாளருக்கான விருது, சிறந்த நட்சத்திரத்திற்கான விருதுகலென பல்வேறுபட்ட விருதுகள் வழங்கி இலங்கையில் அனைத்து பாகங்களிலுமிருந்து வருகைதந்த அனைத்து கலைஞர்களும் இதன்போது கலந்துகொண்டு விருதுகளையும் பெற்றுக்கொண்டனர்.
இப்போட்டியில் சிறந்த குழந்தை நட்சத்திரத்திற்கு விருதினை பிரபல ஆசிரியர் அமல் வழங்கிவைப்பதனையும், மாணவர்களின் கண்கவர் கலை நிகழ்வுகள் மற்றும் நிகழ்வில் கலந்துகொண்ட அதிதிகளையும், இலங்கை பூராகவும் இருந்து வருகைதந்த கலைஞர்களில் ஒரு பகுதியினரையும் படங்களில் காணலாம்.
Post a Comment