மட்டக்களப்பு கொக்கட்டிச்சோலை பொலிஸ் பிரிவிற்குட்பட்ட கண்டியனாறு பகுதியில் யானை தாக்குதலுக்குள்ளாகி நேற்றைய தினம் (27) வியாழக்கிழமை குடும்பஸ்தர் பலியாகியுள்ளதாக கொக்கட்டிச்சோலை பொலிசார் தெரிவித்தனர்.
சம்பவ தினம் கொல்லன் முல்லை பகுதியைச் சேர்ந்த ஆறு பிள்ளைகளின் தந்தையான 58 வயதுடைய பாலிப்போடி இராசதுரை என்பவர் மாடு மேய்ப்பதற்காக சென்றிருந்த வேளையிலேயே மாலை 4.30 மணியளவில் யானையின் தாக்குதலுக்குள்ளாகியுள்ளார்.
சம்பவத்தில் காயமடைந்த குறித்த நபரை மகிழடித்தீவு வைத்தியசாலையில் அனுமதிக்கப்பட்ட பின்னர் அங்கிருந்து மட்டக்களப்பு போதனா வைத்தியசாலைக்கு மாற்றப்பட்டு அங்கு சிகிச்சை பலனின்றி நேற்று இரவு உயிரிழந்துள்ளதாக பொலிசார் தெரிவித்தனர்.
சம்பவத்தில் உயிரிழந்துள்ள நபரின் சடலம் மட்டக்களப்பு போதனா வைத்தியசாலையில் பிரேத அறையில் வைக்கப்பட்டுள்ளதுடன், மேலதிக விசாரணைகளை கொக்கட்டிச்சோலை பொலிசார் மேற்கொண்டு வருகின்றனர்.
Post a Comment