(கிருஷ்மன் & ஹரன் )
அம்பாரை மாவட்ட சிவில் பிரஜைகள் சமூகத்தினால் ஏற்பாடு செய்யப்பட்ட 2014 ஆம் ஆண்டு க.பொ.த சாதாரணதர பரீட்சைக்குத் தோற்றவுள்ள மாணவர்களுக்கான இலவசக் கல்விக்கருத்தரங்கு இன்று (16) தம்பிலுவில் மத்திய மகா வித்தியாலயத்தில் நடைபெற்றது.
இக் கருத்தரங்கில் திருக்கோயில் வலயத்திற்குட்பட்ட பாடசாலைகளைச் சேர்ந்த சுமார் 120 மாணவர்கள் கலந்து கொண்டனர்.
இதன்போது அம்பாரை மாவட்ட சிவில் பிரஜைகள் சமூகத்தின் ஆலோசகரும் தென்கிழக்குப் பல்கலைக்கழக மாணவ சிரேஸ்ட ஆலோசகருமான விரிவுரையாளர் கலாநிதி எஸ்.குணபாலன் அவர்களும் அம்பாரை மாவட்ட சிவில் பிரஜைகள் சமூகத்தின் பதிவாளர் எஸ்.வரதராஜ் ஆசிரியர் மற்றும் ஊடக இணைப்பாளர் வி.சுகிர்தகுமார் போன்றோர்களுடன் பாடசாலை அதிபர் எஸ்.ரவீந்திரன் மற்றும் பிரதி அதிபர் எஸ்.பி நாதன் போன்றோர்களும் கலந்து கொண்டனர்.
வளவாளராக கலந்து கொண்ட ஏ.எல்.றிஸ்வான் ஆசிரியர் அவர்களினால் விஞ்ஞான பாடத்திற்கான கருத்தரங்கு செய்முறை ரீதியாகவும், இலகுவான நுட்பமுறைகளினூடாகவும் மாணவர்களுக்கு பெறுமதிமிக்க வகையில் வழங்கப்பட்டது.
Post a Comment