2013ஆம் ஆண்டிலிருந்து வருடா வருடம் Water Society அமைப்பினால் உலக நீர் தினத்தினை முன்னிட்டு நடைபெறவிருக்கும் போட்டிக்கான வழிகாட்டல் பயிற்சி கருத்தரங்கு நடாத்தப்பட்டுவருகின்றது. ஓவ்வொரு வருடமும் 15 – 20 வயதுக்குட்ப்பட்ட மாணவர்களுக்கு நடாத்தப்பட்டு நீர் தொடர்பான பிரச்சினைகளுக்கு புதுமைகள் புனைதல் மூலம் தீர்வுகாணப்பட்டு தேசியமட்டத்தில் நடைபெறுகின்ற சர்தேச மட்ட போட்டியான bahdStockholm Junior Water Prize, Stockholm, Sweden இற்கு மாணவர்களை தயார்படுத்துவதன் ஆரம்பக்கட்டமாக அண்மையில் மட்டக்களப்பு நீர்ப்பாசன திணைக்கள அலுவலகத்தில் நடைபெற்றது.இப் போட்டி மாணவர்களுக்கிடையில் நீர் மற்றும் சூழல் தொடர்பில் எழும் பிரச்சனைகளை கருத்தில்க் கொள்ளச் செய்யும் வண்ணம் இடம்பெற்றது.
இதன்போது போட்யிக்குரிய விழிப்புணர்வு மற்றும் தகவல் என்பன வழங்கப்பட்டது. பாடசாலையில் கல்விபயிலும் தரம் 10 தொடக்கம் 12 வரையுள்ள பத்து பாடசலைகலைச் சேர்ந்த நூற்றுக்கு மேற்பட்ட மாணவர்கள்
கலந்துகொண்டு பயன்பெற்றார்கள்.
மட்டக்களப்பு மாவட்ட செயலாளர் திருமதி பி.எஸ்.எம் .சார்ள்ஸ் பிரதம அதிதியாக கலந்துகொண்ட இந்நிகழ்வில் மட்டக்களப்பு வலயக்கல்விப் பணிப்பாளர் கே.பாஸ்கரன் ,வைத்தியர் எஸ்.விவேகானந்தன், நீர்பாசன திணைக்கள பணிப்பாளர் எஸ்.மோகனராஜா ஆகியோர் சிறப்பு அதிதிகளாகவும் கலந்து சிறப்பித்தனர்.
நிகழ்விற்கான பூரண அனுசரணையினை கல்லடி வேலூர் ஸ்ரீ சக்தி வித்தியாலயமும், கல்லடி நீர்பாசன திணைக்களமும் வழங்கியிருந்தது.
கடந்தாண்டு தேசிய மட்டத்தில் நடைபெற்ற இப்போட்டிக்கு மட்டக்களப்பு சிவானந்தா வித்தியாலய மாணவன் கிஷோத் நவரெட்னரஜா தலைமையிலான மூன்றுபேர் கொண்ட குழுவினர் முதல் தடவையாக பங்குபற்றி தேசிய ரீதியில் 600 பாடசாலைகளுக்கிடையில் போட்டியிட்டு முதலிடத்தினை பெற்றுக்கொண்டு தாய்நாட்டிற்கும் , மட்டக்களப்பிற்கும் பெருமை சேர்த்திருந்தமையும் குறிப்பிடத்தக்கது.
Post a Comment